|
|
||||||
|
Պրոֆ. Գ. Մխոյանի
ծննդյան 75 ամյակին
նվիրված գիտաժողով |
||||||
2025 թ.
ապրիլի 26, Երևան
Անէսթեզիոլոգների
և ինտենսիվ թերապևտների
հայկական միությունը
սիրով հրավիրում
է Ձեզ մասնակցելու
միության հիմնադիր
և առաջին նախագահ
պրոֆ. Գ. Մխոյանի
ծննդյան 75 ամյակին
նվիրված գիտաժողովին,
որը տեղի կունենա
Գ. Մխոյանի
ծննդյան օրը՝
2025 թ. ապրիլի 26-ին Երևանում։
Գիտաժողովի ընթացքում
ներկաներին կներկայացվի
պրոֆ. Գ. Մխոյանի
մասնագիտական
գործունեությունն
ու նրա անգնահատելի
ներդրումը հայրենական
անէսթեզիոլոգիայում
և ինտենսիվ թերապիայում,
բացի դրանից կքննարկվեն
մեր մասնագիտությանն
առնչվող բազմաթիվ
արդի խնդիրներ:
Զեկուցումների
թեմաների ընտրությունը
կատարվել է հանրապետության
անզգայացման և
ինտենսիվ թերապիայի
ծառայություններում
ներկայումս առկա
խնդիրների և հանրապետության
անէսթեզիոլոգների
և ինտենսիվ թերապևտների
հետաքրքրությունների
վերլուծության
հիման վրա:
Անցկացման
վայրը` Իզմիրլյան
բժշկական կենտրոնի
դահլիճ, հասցե՝
ՀՀ, Երևան, Ահարոնյան
փող. 6
Կազմակերպչական
կոմիտեի հետ հաղորդակցման
տվյալներ՝
) +37491490597, +37491432463
@ armanesthesiology@gmail.com info@armanest.am
Գիտաժողովի
պաշտոնական լեզուն՝
հայերեն
ՇՄԶ
Գիտաժողովի
կրթական բաղադրիչը
կրեդիտավորված
է ՀՀ առողջապահության
նախարարության
Առողջապահության
ազգային ինստիտուտի
Մասնագիտական
գործունեության
հավաստագրման
ազգային կենտրոնի
կողմից, բոլոր
մասնակիցներին
կշնորհվի մեկ օրվա
համար հնարավոր
առավելագույն՝
8 ՇՄԶ տեսական կրեդիտ։
Ակնկալում
ենք բոլորի ակտիվ
մասնակցությունը
գիտաժողովին և
հուսով ենք, որ
այն կնպաստի մասնակիցների
տեսական գիտելիքների
ամրապնդմանը և
իր կարևոր տեղը
կգրավի նրանց շարունակական
բժշկական կրթության
և զարգացման գործընթացում՝
բարձրացնելով
բնակչությանը
մատուցվող բժշկական
օգնության որակը:
